園子傳説

今日有那麽一點閒心

到紫荊橋上走鳥一趟

昔日的紫荊橋變得如此美麗~

只是

從此

這裡

再不會出現誰等誰

...

      北京的公交車抵坐到不得鳥！
      用交通卡嘅話，公交車只需4毫一趟，
      唔用交通卡，都係一蚊咋~
      而地鐵2蚊就搭足全程~
      所以在北京搭佐甘多次鉄同車，交通費都只不過係廿幾蚊(當然，打的嘅唔計啦...)~
      比着廣州，轉下車轉下鉄，出一次街分分鈡就10蚊以上了...
      只可惜北京的地鐵建得太早，
      規劃得並不完善，
      轉一次綫，又上又落，甚至仲要出地面，
      兜來兜去，一個唔該就要行成十分鈡了...

      南鑼古巷是衆人都推薦的地方~
      雖然在北京冇幾多日，
      但都屁顛屁顛地去佐兩次,
      感覺唔錯~
      雖然主體都是特色小店鋪再加D cafe仔，
      不過呢度相對寧靜，
      而且和當地居民的生活非常和諧地融合在一起，
      有傳統士多、有修單車的、有賣麻辣燙的...
     
      頗有味道~

     
      第一次飲呢种陶罐酸奶都係喺南鑼古巷~
      天氣凍到唔使放冰箱，都飲到酸奶裏夾雜住小小冰渣，好喝！
      以致于打后嘅每一日都要飲一支先安樂，
      同冰糖葫蘆一樣，每日必吃！哈哈~

      第二次去嘅時候，
      入了一家叫「一朵一果」的小店，
      專賣筆記本的，
      都ok特別啦~
      期間喺我傾電話之際，
      俾個老闆發現我係廣州人，
      皆因個老闆都係廣州人~
      好橋~
      個老闆同我一樣第二日就要滾回廣州鳥...
      喺裏面打鬧佐一番之後，
      買佐送俾黨員們的小卡片，
      只可惜沒有蓋上「南鑼古巷」的印印，
      臨走嘅時候仲寫低佐張留言條，
      貼喺最裏面的書架上~
      有緣，會再見的~

      布袋斜街則顯得熱鬧許多，
     
      一般古城的經營模式，
      是麗江果種類型，
      甚至連賣嘅小東西都有D相似~
      可惜當時走馬觀花，
      沒有細看...

      在一閒據聞很出名的京味小吃「姚記炒肝店」
     
      吃了一份包子炒肝和鹵煮火燒
     
      有人能告訴我，什麽是炒肝和火燒嗎？
      吃了沒啥感覺...

     
      黑夜裏的人民大會堂和人民英雄紀念碑~

     
      東西長安街兩則，是一排光禿禿的樹，
      而每棵樹上面都停滿好多好多烏卒卒的雀仔~
      就好似上面張相甘~
      哦哦桑話果D係喜鵲，
      但我點睇都覺得似烏鴉...
      雖然後來都證實佐係喜鵲，
      睇落比廣州嘅喜鵲要大半個size~
      由於喜鵲過分密布，
      以至於長安街的人行道上，
      喜鵲便便同樣密布...
      一達達嘅白色便便幾乎將人行道全部遮住...
      每次經過長安街，
      我同哦哦桑都戴住帽小跑住過去的，
      費事中招啦~~~

      有一晚又溜達佐去三里屯~
     
      本來十點幾應該係D酒吧開始熱鬧嘅鈡數，
      但唔知係咪因爲凍得滯，
      D酒吧門口的座位都空空的，無人喺度歡嘅~
      反而在路邊見到架撞到乜甘嘅車，
     
      現場一個人都冇，
      除佐我地兩個...
      好詭異...

      好難得可以在京城見到P先生~
      真係開心~
      已經好多年冇見啦~
      距話齋，我地係網友多過同學，
      的確，今年年底都夠資格入美國籍了，
      以後要多D番來中國耍哇~~~
      之後仲一起去天壇南門吃涮涮鍋，
      門口坐滿曬等位嘅人~
      係去北京必吃的皇牌推薦~
     
      其實我覺得涮涮鍋最最好味嘅係果份麻醬同佐料，香到痹！超正！
      多謝P先生同P媽媽的盛情邀請~

      記得儅年中國成功申辦奧運的時候，
      就已經決定佐2009年一定要到北京一趟，
      結果在09年 1月便能如願了，
      只可惜，未能同媽咪一起去~

      而且今次在北京逗留的時閒實在太短了...
      很多要去的地方都未去...
      天地墰未去、恭親王府未去、牛街未去、報國寺未去、景山未去、香山未去...
      首都博物舘未去、北京城規舘未去、國家博物館在大修...
      本來打算去兩次的故宮，淨係夠時閒去一次，而且都未行完！！！
      798又未去...
      北京烤鴨未吃...
      哎...留下太多遺憾了！
      哦哦桑說，就當今次係預覽北京吧~
      下次再來個正式版！北京深度游！
      嗯！兩三年内， 一定會再去多次咖！

      最後，送上在北京的落腳點~
     
      回龍觀 新龍城
      我就住喺呢度啦~
      多謝收留我，仲將大房間、大床俾佐我，
      感動得一塌糊塗！
      呢個小區都幾大下，環境都唔錯！
      只可惜離中心比較遠，
      據説大概等於廣州的番禺渦...
      不過，好彩家門口就有城鉄，
      一個鈡就可以入北京中心地帶了~
      都算方便啦~
      住在度嘅人多數自己有車，所以距地都唔覺遠~

      sigh...

      happy佐冇幾日，
      就要淚別京城了...
      TOT
      雖然短暫，但開心就好~
      北京byebye~~~
      下次再見~~~

      「完.」